ฯ นโม ตสฺส ภควโต อรหโต สมฺมาสมฺพุทฺธสฺสฯ วินยวินิจฺฉยฏีกา (ปฐโม ภาโค) คนฺถารมฺภกถา (ก) พฺยามปฺปภามณฺฑลเทวจาปํ; ธมฺมมฺพุนิชฺฌาปิตปาปฆมฺมํ; วนฺทามหํ พุทฺธ มหมฺพุวนฺตํฯ (ข) ปสนฺนคมฺภีรปทาฬิโสตํ; นานานยานนฺตตรงฺคมาลํ; วนฺทามหํ ธมฺม มหาสวนฺติํฯ (ค) สีโลรุเวลํ ธุตสงฺขมาลํ; สนฺโตสโตยํ สมถูมิจิตฺตํ; ปธานกิจฺจํ อธิจิตฺตสารํ; วนฺทามหํ สงฺฆ มหาสมุทฺทํฯ (ฆ) เย ตนฺติธมฺมํ มุนิราชปุตฺตา; ยาวชฺชกาลํ ปริปาลยนฺตา; สํวณฺณนํ นิมฺมลมานยิํสุ; เต ปุพฺพเก จาจริเย นมามิฯ (ง) ตถูปโม สีหฬทีปทีโป; มมํ มหาสามิมหายตินฺโท; ปาเปสิ วุฑฺฒิํ ชินสาสนมฺหิฯ (จ) ฏีกา กตา อฏฺฐกถาย เยน; สมนฺตปาสาทิกนามิกาย; องฺคุตฺตรายฏฺฐกถาย เจว; สตฺถนฺตรสฺสาปิ จ โชติสตฺถํฯ (ฉ) นิกายสามคฺคิวิธายเกน; รญฺญา ปรกฺกนฺติภุเชน สมฺมา; ลงฺกิสฺสเรนาปิ กโตปหารํ; วนฺเท ครุํ คารวภาชนํ ตํฯ (ช) วตฺถุตฺตยํ วนฺทิตวนฺทเนยฺยํ; ยํ ปุญฺญสนฺโทหมมนฺทภูตํ; ตสฺสานุภาเวน หตนฺตราโยฯ (ฌ) โย พุทฺธโฆสาจริยาสเภน; วิญฺญุปฺปสตฺเถนปิ สุปฺปสตฺโถ; โส พุทฺธทตฺตาจริยาภิธาโน; มหากวี เถริยวํสทีโปฯ (ญ) อกาสิ ยํ วินยวินิจฺฉยวฺหยํ; สอุตฺตรํ ปกรณมุตฺตมํ หิตํ; อเปกฺขตํ วินยนเยสุ ปาฏวํ; ปุราสิ ยํ วิวรณมสฺส สีหฬํฯ (ฏ) |